Kvinne tiltala for kjøp av store mengder amfetamin

Politimeisteren i Vest har etter ordre frå Statsadvokaten tatt ut tiltale mot ei kvinne i 20-åra for kjøp, frakt, sal og oppbevaring av betydelege mengder amfetamin og fleire andre narkotiske stoff.

Kvinna er tiltala for ei rekkje brot på straffelova. Ho kjøpte 935 gram amfetamin, 64 gram hasj og 79 gram MDMA, køyrde rundt og henta det inn, og frakta det frå Bergen til leilegheita i Førde der ho oppbevarte det.

Dette skjedde på haustparten 2016, og ei veke etterpå kverrsette politiet 16 170 tablettar heime hos kvinna. Dei inneheldt dei narkotiske stoffa methandienon og mettyltestoteron. I tiltalen for saka, som skal opp i næraste framtid i Sogn og Fjordane tingrett, står det å lese at lovbrotet er grovt, både når det gjeld mengde og måten brotsverket var organisert på.