Innstiller på attval av Reksnes
Valnemnda i Senterpartiet i Sogn og Fjordane innstiller på attval av Sigurd Reksnes frå Stad som fylkesleiar for to nye år, skriv fylkeslaget i ei pressemelding.
Nestleiarane Karoline Bjerkeset frå Gloppen og Morten Askvik frå Hyllestad er ikkje på val.
Sigurd Reksnes har vore fylkesleiar i fire år og er no innstilt for to nye år. Reksnes har lang politiske røynsle og var mellom anna gruppeleiar for Senterpartiet i Sogn og Fjordane fylkesting i førre periode og han har fleire periodar bak seg som medlem av kommunestyre og formannskap i Eid kommune. Han held fram som medlem i det nye Vestland fylkesting.
- Valnemnda er glad for at Reksnes ynskjer å gå på ein ny periode som fylkesleiar, seier Marius Strømmen som er leiar i valnemnda.
- Sigurd har gjort ein solid jobb som fylkesleiar i den perioden han har hatt dette vervet og eg er heilt trygg på at han vil halde fram med å gjere ein god jobb for Senterpartiet i Sogn og Fjordane og våre saker også framover.
- Med regionreform og viktige politiske utfordringar framover er kontinuitet viktig, seier Strømmen.
Senterpartiet har bestemt å halde fram med to fylkesorganisasjonar i det nye Vestland fylke.
Slik er valnemnda si innstilling:
| Fylkesleiar | Sigurd Erlend Reksnes – Stad (attval) |
| 1. nestleiar | Karoline A. Bjerkeset – Gloppen (ikkje på val) |
| 2. nestleiar | Morten Askvik – Hyllestad (ikkje på val) |
| Studieleiar | Erling Sande – Gloppen (ny) |
| Styremedlem | Jan Herstad – Sunnfjord (ikkje på val) |
| Styremedlem | Marit Aakre Tennø – Luster (attval) |
| Styremedlem | Ingeborg Sivertstøl – Sogndal (ny) |
| Senterkvinnene | Britt Domben Mulelid – Bremanger (ny) |
| Senterungdomen | Sander Solheim – Kinn (ny) |
| Fylkestingsgruppa | Aleksander Øren Heen – Årdal |
| Stortingsrepresentant | Liv Signe Navarsete – Lærdal |
| 1. vara | Rune Hegrenes – Sunnfjord (attval) |
| 2. vara | Gunn Åmdal Mongstad – Solund (ny som vara) |
| 3. vara | Sidsel Kongsvik – Kinn (ny) |
| 4. vara | Jakob Ruud – Sogndal/Senterungdomen (ny) |
| Vara Senterkvinnene | Kristina Tomasgard – Gloppen (ny) |
| Vara Senterungdomen | Nina Hjartholm – Gulen (ny) Svein Orheim – Bremanger (ny) |
| Vara fylkestingsgruppa | Jenny Følling – Sunnfjord |
| Observatørar: | |
| Fylkessekretær | Per Rune Vereide – Gloppen |
| Fylkesordførar | Jon Askeland – Alvær |
| Organisasjonssekretær | Torunn Flatjord – Gloppen |
