Dette var dei mest populære namna i 2019
Emma toppar Statistisk sentralbyrå sin namnestatistikk for jenter i 2019. Jakob var det mest populære gutenamnet.
393 jenter fekk namnet Emma i fjor, som ligg tett følgd av Nora på namnestatistikken. Sofie ligg som nummer tre. Emma har dominert namnetoppen sidan 2003 og er årets namn for tiande gong.
423 gutar vart heitande Jacob eller Jakob, med Lucas eller Lukas som nummer to på statistikken og ulike variantar av namnet Filip som nummer tre. Jacob var òg på topp i 2017.
Korte jentenamn som endar på a har halde på populariteten i fleire år, medan bibelske namn og kjende idrettsnamn set større preg på topplista for gutenamn. (©NPK)
