Ungdomen bankar på A-lagsdøra
Det er eit ungt og lovande mannskap som kjem til å aksle STIL-trøya denne sesongen, og nyleg tok nyetrenar Torbjørn Gran opp fire nye gutespelarar i A-lagsgruppa, skriv klubben i ei pressemelding.
Isaac Nimrod og Kristoffer Hjelle (f. 2001), Håvard Hauge og Filip Pleym Mardal (f. 2002) skal no hospitere på A-lagstreningane. Frå før er Abraham Johnny (f. 2001) fast med i A-lagsgruppa.
Frå treningsfeltet vert det meldt om god treningsdisiplin og høg intensitet. Laurdag 14. januar spelar Sandane sin første treningskamp, mot Jølster. Kampen vert spela i Sognahallen.
I slutten av februar reiser Sandane sitt mannskap til Spania på ei vekes treningsleir.