– Sidan fleire i Freeman har vore elevar på musikklinja ved Firda vidaregåande skule og kjenner seg heime på Sandane, var det naturleg å starte festivalen på gamle trakter i samarbeid med Trivselshagen og Gloppen Hotell, fortel medlemmene i festivalstyret, Einar Nesbakk, Laila Beathe Førde og Elisabeth Solbakken.

Skipar til ny festival på Sandane

Inger H. Aske Lothe inger@firdatidend.no Inger Haldis Aske Lothe

Publisert: 10.01.2017 07:00 Sist oppdatert: 09:00

Komande laurdag går den første Endelig-GIG festivalen av stabelen på Gloppen Hotell. Dette er ein dugnadsfestival for coverband og –artistar. – Her får artistane hylle musikalske heltar, medan publikum får nyte variert musikk, fortel Laila Beathe Førde.

Endelig-GIG festivalen er fri for store, kjende trekkplaster, men er fullspekka av kjend musikk i ulike sjangrar.

Ein møteplass

– Festivalen er ein musikalsk og sosial møteplass for utøvarar og publikum der livemusikken står i sentrum, seier Laila Beathe Førde.

Ho er med i coverbandet Freeman, som står bak den nyskipa festivalen. Bandet spelar musikk av artistar som Joni Mitchell, Fleetwood Mac og Little Feat, og består av Elisabeth Solbakken (vokal), Einar Nesbakk (vokal/gitar), Ole Rasmus Hjelle (gitar), Arve Solbakken (bass), Ole Martin Frimannslund (slagverk) og Laila Beathe Førde (vokal/saksofon).

Sidan dette er første gongen festivalen blir skipa til, blir arrangementet avgrensa til ein dag og ein lokasjon.

– Dersom festivalen er liv laga, kan vi kome til å leggje konsertar til kultursalen i Trivselshagen i framtida. Konsertane i år vil finne stad i Toppfoss-salen, peikar ho på.

Les heile saka i papirutgåva måndag.