Sette ny pers og tok medalje
Ein solid personleg rekord sikra Simon Lidal frå Gloppen Friidrettslag medalje i spyd i junior-NM.
Lidal persa med kring fire meter, og lengda 56,98 meter heldt til ein flott bronsemedalje i U20-klassa under siste dag av junior-NM i friidrett i Harstad.
I alt har utøvarane frå GFIL teke fem bronsemedaljar og eitt gull i meisterskapen. Gullet tok Evald Osnes Devik i U23-klassa i sleggje, der Hans Sande sikra bronsen. Sande fekk også bronsemedalje i diskos. Magnus Rygg Storsletten slo til med bronse i sleggje i U20-klassa laurdag, mens Vincent Sondre Førde sikra bronsemedalje på 3000 meter hinder (U23) fredag.