Home   >   Nyhende   >   Oslo strykekvartett spelar i operahuset

Oslo strykekvartett spelar i operahuset.

Oslo strykekvartett spelar i operahuset

Torsdag 16. november held ein av dei mest allsidige og nyskapande strykekvartettane i vår tid, konsert i Operahuset Nordfjord.

Oslo Strykekvartett er sett saman av musikarane Geir Inge Lotsberg, Liv Hilde Klokk, Ásdís Valdimarsdóttir og Øystein Sonstad.

Allsidig repertoar
Repertoaret spenner frå standardverka med vekt på Beethoven til låtar av ABBA og Brubeck, som dei framfører med humor og ablegøyar. Sjølv Tosca og Peer Gynt går ikkje fri for kvartetten si utrøyttelege formidlingstrang.

Beethoven
På konserten i operahuset torsdag får publikum mellom anna høyre Beethoven, opus 59 nr 3 i C-dur, Langzamer satz av Webern.

Strålande kritikkar
Oslo strykekvartett har gitt ut ei rekkje CD-innspelingar til strålande kritikkar. Dei spelar regelmessig i Wigmore Hall, Carnegie Hall, ved Dortmund Streichquartett festival, Risør kammermusikkfest, Oslo Quartet Series, Orlandofestivalen og Canary Islands Music Festival.

Intimkonsert
Både aktørane og publikum sit på scena på konserten torsdag. Såleis blir det skapt ei intim og nær stemning i Operahuset Nordfjord.