Opnar sommarutstilling på Jølstramuseet laurdag

Kunst av ei rekkje kunstnarar blir vist fram på sommarutstillinga på Jølstramuseet.

For første gong kan Jølstramuseet på Vassenden presentere Vebjørn Sand sine handkolorerte grafiske inntrykk frå reisa si i Antarktis. Som ny utstillar deltek også Åse Margrethe Hansen, medan faste utstillarar som Roy Andreas Dahl, Elling Reitan, Tor Olav Foss og ikkje minst sunnfjordingen Frøydis Aarseth kjem med nye bilete.

Andre utstillarar er Arne Paus, Gino Scarpa, Heidi Helland Hansen, Astrid Wittersø, Runi Langum, Tone Thingnæs, Charlotte Engelhaart, Roald Tellnes, Ørnulf Opdahl, Inger Sitter, Håkon Bleken og Ludvig Eikaas. Elles er veggane pryda av dei nye biletteppa til tekstilkunstnaren Brit H. Fuglevaag.

Sommarutstillinga blir open tysdag-søndag fram til 23. august.