Om Firda Tidend

    • Frå kamporgan for bonderørsla, til lokalavis for distriktet

      Firda Tidend kom første gong ut tysdag 1. juli 1924. Då med vossingen Johan Lid som redaktør. Avisa har gått frå å vere eit kamporgan for bonderørsla, til å bli ei lokalavis for Gloppen og Jølster kommunar. Det var skipinga av Bondepartiet i 1920 som var utgangspunktet for Firda Tidend.

      I 1967 vart Firda Tidend formelt reorganisert og L/L Senterpartibladet skipa. Forutan Senterpartiet sine organisasjonar, vart handelslaga i Gloppen og Breim aksjonærar og i tillegg 16 Senterpartimedlemer i lokalpartia.

      Det første styret i L/L Senterpartibladet såg slik ut: Reidar Mardal (formann), Ingebrigt Øvreseth, Kjell Råd, Abel Straume og Kristoffer J. Rygg (styremedlem).

      I 1981 tok L/L Senterpartibladet aksjane i Solglimt Trykkeri i Bukta. Styret for Senterpartibladet utgjorde frå då av også generalforsamlinga i Solglimt Trykkeri. Same året vart også dei tilsette representert i styret møte og talerett.

      I dag kjem avisa ut to gonger i veka – tysdag og fredag.

      Frå påska 2017 vart trykkeridelen avvikla. Firda Tidend vert frå same tid trykt på Sogn og Fjordane avistrykk i Førde, medan Solglimt hentar trykktenester der det er hensiktsmessig. Den grafiske aktiviteten og administrasjonen er framleis i lokala i Bukta, medan redaksjonen er å finne i Skarsteinhuset i Nordstrandsvegen.

      Senterpartiet sine organisasjonar er største eigar av konsernet med 45 prosent av aksjane. Resten er eigd av fleire lokale småaksjonærar.

      Firda Tidend har i dag tolv tilsette i redaksjon, administrasjon og produksjon.

      Styret:
      Styreformann: Ingebrigt Øvreseth
      Nestformann: Per Rune Vereide
      Styremedlemer: Sjur Atle Austrheim, Anders Ryssdal, Inger Haldis Aske Lothe, og Terje Paulsen.

      Redaktør: Aadne Gloppestad
      Dagleg leiar: Aadne Gloppestad