|
Måtte gje tapt for snøtyngda
Av Magnar Heimset, 12.03.10
Gloppen: Den kalde og snørike vinteren på Vestlandet kostar dyrt. Etter det kraftige snøfallet fredag i førre veke, kollapsa eit sagbruk mellom Emhjella og Heimseta i Hyen under vekta av snøen på taket.
|
|
Den kollapsa lagerdelen ved Espeset sag er eit mistrøstig syn. Kraftige trekonstruksjonar er splintra til pinneved, og store delar av bygget er jamna med jorda under store snømengder.
|
Ekstremvinteren på Vestlandet kostar dyrt, og skademeldingane strøymer inn til forsikringsselskapa. Til denne tid har frost– og vasskadar vore dominerande, men no strøymer og meldingar om samanrasa bygningar inn. Sist fredag knakk lagerdelen av tidlegare Espeset sag i Hyen saman under snøtyngda, og det skjedde enda til før mildvêret og regnet kom.
– Dette kom veldig overraskande på meg. Eg oppheld meg i Førde for tida, og eg visste ikkje om dette før du ringde. Eg var faktisk ikkje klar over at det var så mykje snø heime heller, seier ein himmelfallen bygningseigar, Sigmund Eimhjellen (44), på telefonen frå Førde.
Det er den om lag 250 m2 store lagerdelen av sagbruket som har rasa saman. Sigmund har sjølv bygt sagbruket, og som bygningsmann meinar han bygget var skikkeleg dimensjonert og skulle tole ein meter tørr snø utan problem. Han hevdar at bygget hat tolt såpass før, og han er særleg overraska over at det rasa før mildvêret og væta kom. Men då brukar snøen å sigle av taket av seg sjølv. Les heile saka i papirutgåva fredag.
« Tilbake
|
|
|
