|
|
|
|
|
|
  |
– Lokalpolitikarane må kome på bana før det er for seint Av Aadne Gloppestad, 12.03.10 Gloppen: – No er det på tide at politikarane i Gloppen kjem på bana. Nordfjord sjukehus er ein viktig arbeidsplass og skaper tryggleik for pasientane i regionen, seier glopparar som er tilsette ved sjukehuset.
– Det verkar som folk er veldig avventande. Politikarane må kome på bana og få fram alternativa. No høyrer vi berre om det eine alternativet der dei to lokalsjukehusa skal omgjerast til lokalmedisinske senter. Ein kan lure på om Gloppen kommune er interessert i eit sjukehus på Nordfjordeid, eller tenkjer dei berre Førde, spør Cecilie Majchrowicz Helgheim, Evy Janne Berle, Trude Eimhjellen, Greta Veien Sårheim og Else Marie Aske. Saman med eit titals andre personar pendlar dei frå Gloppen til arbeidet ved Nordfjord sjukehus. – Ordføraren er for ei bru som kan knyte Nordfjord saman, og han ventar Nordfjord skal samle seg og støtte opp om flyplassen på Anda. Då må støtta også gå den andre vegen. Engasjementet frå lokalpolitikarane i Gloppen har vore for dårleg så langt. Det er for seint å kome på bana når sjukehuset er nedlagt, ein må gjere noko no, slår Cecilie Majchrowicz Helgheim fast. – Eg las det ordførar Anders Ryssdal uttalte i Firda Tidend onsdag. Kommunen har ikkje råd til å ta over nye og krevjande oppgåver utan meir pengar. Ein del av oss har spesialkompetanse. Den vil bli heilt bortkasta om vi ikkje får gjere oss nytte av han. Det kan skje viss sjukehuset blir nedlagt. Det er ikkje sikkert det blir så enkelt for oss å finne nye arbeidsplassar i kommunen. Alternativet kan bli å pendle til Førde, seier intensivsjukepleiar Trude Eimhjellen. Les heile saka i papirutgåva fredag.
« Tilbake |
 |
|
||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||
