|
Ny forskrift for pelsdyrhald
Av Magnar Heimset, 05.03.10
Andre nyhende: Mattilsynet har lagt ut til høyring utkast til ny forskrift om pelsdyrhald. Høyringsfristen er 22. mai 2010.
– Det ligg vel ikkje veldig dramatiske endringar i dette høyringsutkastet, trur pelsdyroppalar og styremedlem i Noregs Pelsdyralslag, Finn Årdal frå Jølster.
|
|
Pelsdyroppdrettar og styremedlem i Noregs Pelsdyralslag, Finn Årdal frå Årdal i Jølster, ser ikkje den heilt store dramatikken i framlegget til ny forskrift for pelsdyrhald så langt. (Arkivfoto)
|
Som ei oppfølging av Stortingsmelding 12 (2002-2003) Om dyrehald og dyrevelferd, som etterlyser ei vesentleg betring av velferda for pelsdyr, har Mattilsynet utarbeidd eit utkast til ny forskrift om pelsdyrhald. Oppdraget har dei fått frå Landbruks– og matdepartementet som også har gjort det klart at det nye regelverket må være basert på at pelsdyrnæringa er ei distriktsnæring som det er ønskjeleg å ha også i framtida.
– Høyringsutkastet er nett kome, så eg har ikkje fått studert detaljane godt nok til å gje særleg grundige kommentarar no. Det som er klart er at det er kort tid sidan oppdrettarane vart ferdige med oppfølginga av den førre forskrifta som medførte til dels store investeringar i farmane. Ei ny føreskrift alt no kan verke frustrerande og bli ei ny økonomisk belastning for særleg dei små farmane. Men eg ser ingen stor dramatikk i utkastet så langt, og det blir nok ikkje kroken på døra for dei fleste, seier pelsdyroppdrettar og styremedlem i Noregs Pelsdyralslag, Finn Årdal frå Årdal i Jølster. Les heile saka i papirutgåva fredag.
« Tilbake
|
|
|
