|
Det nye grendehuset på Ålhus blir dyrare enn planlagt
Av Aadne Gloppestad, 03.03.10
Jølster: – Vi har fått inn veldig mange anbod, og det ser ut til at huset blir litt dyrare enn det vi i utgangspunktet har økonomi til, seier leiar i byggjenemnda for det nye grendehuset på Ålhus, Tom Årdal.
|
|
Grendehuset Borgja på Ålhus brann ned i 2006. Anboda som er komne inn på ei ny storstove i bygda ved Jølstravatnet er høgare enn det byggjenemnda hadde tenkt.
|
Sist sommar vart tomta til det planlagde grendehuset med barnehage på Ålhus grave ut. Etter planen skulle arbeidet med den nye storstova i bygda ta til i haust, men dette vart utsett sidan ein i første omgang ikkje fekk entreprenørar til å ta på seg arbeidet. No har den situasjonen endra seg, men framleis veit ein ikkje kva tid arbeidet kjem i gang.
– Vi har ikkje tildelt oppdraget til nokon enno. Anboda ligg på kring sju millionar kroner. Det er rundt éin million kroner over det budsjetterte, fortel Tom Årdal.
Grendehuset Borgja brann ned i juni 2006. Forsikringssummen er på 5,8 millionar kroner. Det nye grendehuset må stå klart innan fem år etter brannen for at forsikringspengane skal verte betalte ut i sin heilskap. Les heile saka i papirutgåva onsdag.
« Tilbake
|
|
|
