|
96 år og sorterer egg med stø hand
Av Magnar Heimset, 15.02.10
Gloppen: Kristina Ommedal fylte 96 år 1. februar, men ho er framleis med i hønsehuset og sorterer 7.000 egg kvar dag.
– Eg er no ikkje god til så mykje lenger, seier den beskjedne, men imponerande spreke veteranbonden på Støylen-bruket i Ommedalen.
|
|
– Dette er for meg som leikekassa er for ungane, seier 96-årige Kristina Ommedal ved pakkebordet i hønseriet der dei sorterer og pakkar opp mot 7.000 egg om dagen.
|
Trass sin høge alder, er Kristina Ommedal framleis med på gardsdrifta saman med dottera, Maria Utheim, og barnebarnet, Solfrid Utheim Rygg.
– Vi merkar det godt om det er ein dag Besta ikkje kan vere med i pakkerommet og sortere egg. Men ho er her stort sett – helg som høghelg – ho er alltid villig. Og eg trur faktisk det gjer henne godt, ho påstår at dette er for henne som leikekassa er for born. Ho er veldig flink til å plukke ut egg med flekkar og kvalitetsfeil, og det er ingen som lagar mindre klink enn ho, smiler Solfrid.
Kristina vart fødd på Eljas-bruket på Å i 1914. Ho gifte seg med Karl Ommedal før krigen, og dei overtok og budde på småbruket i Ommedalen. Far til Karl var frå Espeland i Naustdal og vart kalla Espelanden. Bruket vart kalla Espelands-bruket, og dei som budde der, espelandane. Men det rette namnet på bruket skal vere Støylen. Les heile saka i papirutgåva måndag.
« Tilbake
|
|
|
