|
|
|
|
|
|
  |
Hyar berga tysk trailersjåfør Av Magnar Heimset, 14.12.09 Trafikk: Det var svært dramatisk då Øystein Aa (29) frå Hyen fekk berga opp ein tysk trailersjåfør frå isvatnet i Nipetjørna i Romarheimsdalen i går kveld. Traileren hadde skrensa utfor vegen og gått gjennom isen på tjørna.
Kritisk - Eg sette på naudblinken og sprang ned til vatnet. Frå då gjekk alt på instinkt. Det var mørkt, men billysa stod på under vatn, og eg såg at sjåføren hadde kome seg opp på bilvraket og til overflata, men eg nådde han ikkje. Eg fekk skubba vekk nokre isflak og fekk han til å hoppe mot meg. Då gjekk han under fleire gonger, og eg såg at han ikkje greidde å symje. Eg hoppa ut i og vassa ut i til marbakken. Ståande til livet i isvatnet nådde eg såvidt handa hans og fekk drege han til lands, forklarar Øystein. God hjelp - Då var det kome til ein lastebil på vegen som lyste for oss. Sjåføren kasta ned ein lastestropp, og vi fekk drege tyskaren opp på vegen. Det kom vel med hjelp, for det var veldig glatt i vegskråningen. Eg heldt på å bli frykteleg stiv og kald sjøv og trong hjelp for å kome meg opp. Vi fekk mannen inn i ein buss og tok av han dei våte kleda. I bussen var det varmt og godt og rikeleg med teppe til å ha rundt han. Ei dame ringde ambulanse og politi. Eg var glad andre kunne ta over så eg fekk byte kle. Det var ei sterk oppleving, og eg vart temmeleg skjelven etterpå, innrømmer den modige redningsmannen. Meir i papirutgåva onsdag
« Tilbake |
 |
|
|||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||
