|
Over milliarden for gul midtstripe
Av Magnar Heimset, 17.04.09
Veg: Førebels plan for opprusting av RV 615 Sandane – Storebru viser at kostnadane kan kome godt over ein milliard kroner.
– Prioriter dei viktigaste strekningane og planlegg dei skikkeleg, var bodskapen frå politikarane på vegkonferansen i Hyen tysdag.
|
|
Arnfinn Båtevik frå Statens Vegvesen (t.v.), Knut M. Olsen (Sp), leiar i Hovudutval for samferdsle og fylkesordførar Nils R. Sandal (Sp) får overrekt vegrapporten. Nokre eksemplar er kunstnarisk applikert med modellar for veg med gul midtstripe, tunnel og rassikring mot stein– og snøras nedetter stupbratte fjellsider. Rapporten vart utdelt av leiaren av Arbeidsgruppe RV 615, Kjartan Aa Berge og re
|
Ingen av dei talrikt frammøtte stortings– og fylkespolitikarane kunne love noka snarleg løysing for opprusting av RV 615 på vegkonferansen i Samfunnshuset i Hyen sist tysdag. Då vart det lagt fram ein førebels rapport utarbeidd av konsulentfirmaet Rambøll Norge AS som viser at ei opprusting av den 69 km lange strekninga Sandane – Storebru til dagens riksvegstandard med gul midtstripe vil koste godt over ein milliard kroner.
Det er Arbeidsgruppe RV 615 i samarbeid med Gloppen kommune som har fått utarbeidd eit førebels utkast til plan for opprusting av den til dels svært elendige vegstrekninga mellom RV 5 ved Storebru og E 39 ved Sandane. Eit spleiselag av kommunen, lokale næringsdrivande og private har skaffa 110.000 kroner til dette føremålet, og resultatet fekk mykje vellæte av dei frammøtte politikarane på vegkonferansen.
– De har gjort eit imponerande arbeid så langt. Men å kjempe for betre vegar er tolmodsarbeid, det har mange før dykk fått erfare, og det gjeld berre å stå på vidare. Prioriter det viktigaste først, de får ikkje alt på ein gong uansett, og dette kan ta tid, var gjennomgangstonen frå politikarar og byråkratar i møtet. Les heile saka i papirutgåva måndag.
« Tilbake
|
|
|
