|
Fekk pris for ekstra god design
Av Magnar Heimset, 12.03.09
Fekk designpris: Onsdag vart Audhild Viken saman med designbyrået Haltenbanken tildelt den høgthengande prisen ”Merket for god design” av Norsk Designråd.
|
|
Fire stolte vinnarar etter prisutdelinga på DogA i Oslo onsdag ettermiddag. Frå v.: Audun Viken, Truls Indrearne og Elise Sæle frå Haltenbanken og Harald Viken. Foto: Design Region Bergen
|
Kvart år deler Norsk Designråd ut designpris for visuell kommunikasjon til bedrifter og designarar som vellukka har brukt design til å utvikle innovative produkt eller løysingar. Mottakarane av Merket for god design vart offentleggjort på Designdagen onsdag 11. mars i Oslo, Noregs største designfaglege arrangement for næringsliv og designbransjen. Audhild Viken mottok den høgthengande designprisen på bakgrunn av utviklinga av bedrifta sin nye grafiske profil.
Audhild Viken starta som ei vevstove med sal av åkle og løparar frå Skei i Jølster i 1950. I dag driv den familieeigde bedrifta fleire suvenirbutikkar rundt om i landet. Der sel dei både eigenproduserte suvenirar og produkt frå andre leverandørar. Suvenirverda er tradisjonelt ei verd der krimskrams, eit hav av produkt og rimelege reproduksjonar rår. Design blir gjerne oppfatta som eit framandord. Audhild Viken ville løfte framtoninga på heile suvenirsegmentet. Dei ville i tillegg til å drive suvenirbutikkar, vere ambassadørar for Noreg og norsk kultur. Dei ville ta med seg historia og røtene sine inn i ei ny tid. Tida var komen for eit nytt visuelt uttrykk. Les meir i papirutgåva fredag.
« Tilbake
|
|
|
