|
Ungdom har tilstått tagging
Bjørn Grov, 15.11.07
Gloppen:Ein ungdom har vedgått at han sto bak fleire tilfelle av tagging på Sandane natt til torsdag.
|
|
Ein ungdom har tilstått fleire tilfelle av tagging på Sandane i natt. (Foto: Jan Nik. Hansen)
|
- Eg kan stadfeste at vi i dag har pågripe ein ungdom for tagging i alle fall fem plassar i Sandane-området, seier førstebetjent Bjarte Aasen ved Gloppen lensmannskontor. Ungdomen har tilstått at han sto bak sprayinga, og har forklart til politiet at han var aleine om det.
Både på brukaret ved undergangen til E 39 på Austrheim, Gloppen Ungdomsskule, Firdahallen, den offentlege wc-en, skaterampen og eit skilt i Åsen er det tagga i ulike fargar, figurar og eindel nedsetjande uttrykk.
- Må vedkomande ordne opp og få vekk igjen malinga sjølv?
- Det veit eg ikkje. Eg går ut frå at saka vert meldt og at dei det har gått ut over kanskje vil fremje erstatningskrav, eller krav om oppussing. Og det kan bli ei omfattande affære, det er ikkje berre berre å få vekk att måling som dette, seier Aasen.
« Tilbake
|
|
|
