No blir kommunen tobakksfri
Eit samrøystes Jølster kommunestyre har vedteke å gjere kommunen tobakksfri. Dette inneber mellom anna at det ikkje er høve til å nytte tobakk i arbeidstida, i og på kommunalt eigde og leigde lokale.
Tobakksbruk er ut. Ikkje minst i Jølster. På kommunestyremøtet nyleg samla dei folkevalde seg om at den kommunale organisasjonen skal vere tobakksfri.
Regelverket som vart vedteke gjer det vanskeleg å vere tobakksbrukar frå 1. september:
* Det skal ikkje nyttast tobakk i arbeidstida.
* Det skal ikkje nyttast tobakk i og på kommunalt eigde og leigde lokale med tilhøyrande
tomteareal.
* Det skal ikkje nyttast tobakk i kommunale bilar og maskiner.
* Det skal ikkje nyttast tobakk i kommunalt arbeidsantrekk.
* Tilsette oppmodast om å verne brukarar og kollegaer mot helseskadeleg tobakk.
* Tilsette oppmodast om å vere gode rollemodellar for barn og unge også når det gjeld bruk av
tobakk.
Regelverket omfattar alle former for snus og røyk.