Lokalmatprodusentar i Gloppen vil profilere seg

Fem lokalmatprodusentar i Gloppen skal til by`n for å profilere seg og selje produkta sine. – Veldig bra. Det er god marknadsføring både for oss sjølve og kommunen, seier Paul Nygård.

Han driv Kandal Kjøt som har gjort kje- og geitekjøt til ei populær salsvare i ulike variantar. I tillegg til Kandal Kjøt skal også Påldtunet frukt og bær, Høgt & Vilt, Breim Gardsmat g Fjellestad Gardskjøken delta på Bergen Matfest.

Rekord
I år blir det rekordstor oppslutning om matfesten der det er flest utstillarar frå Hordaland og Sogn og Fjordane. For å få god plass, er festivalen flytta frå travle Bryggen til rolegare, men større Koengen som er Bergens arena for m.a. verdsstjerner på konsertturné.

– Vi har vore med i mange år. Tidlegare heitte det ”Bondens Marked”. Det er ein stor matfestival med over 100 utstillarar og produsentar av lokalmat, seier Paul Nygård. Han pakkar bilen med diverse varer, tek med kona og ei av døtrene som medhjelparar.

– Det er veldig kjekt å vere der. Bergen Matfest er ein god sals- og marknadsføringsstad for oss. Der blir mange kjende med produkta våre, og vi treffer igjen gamle kundar, samtidig som vi møter nye, seier Paul. Han opplever positive reaksjonar på smaksprøvane.

Les heile saka i papiravisa tysdag.