Hjelpte båtflyktningar i Hellas
Då Kristianne Rygg fekk spørsmål om å vere med til Lesvos i Hellas for å hjelpe båtflyktningar, var svaret enkelt. – Klart eg ville vere med, seier 37-åringen frå Sørstranda. No er ho tilbake i Noreg etter ei hektisk veke med hjelpearbeid.
Svært mange båtflyktningar har kome til den greske øya Lesvos dei siste månadene.
Fekk lyst til å reise
Kristianne Rygg reiste til den greske øya etter å ha lese om ”Dråpen i havet” i media og på Facebook.
– ”Dråpen i havet” blei oppretta av Trude Jacobsen, som sjølv var frivillig på Lesvos for om lag ein månad sidan. Ho oppretta ei Facebook-gruppe før avreise med tanke på å samle inn diverse utstyr frå vener og familie. Gruppa vaks raskt og har no kring 30.000 medlemmer. Eg følgde med på denne gruppa, og fekk lyst til å vere frivillig sjølv. Då ei veninne tok kontakt og spurte om eg ville vere med, gav svaret seg sjølv, fortel ho.
Via Facebook inviterte ho vener og familie til å donere kle, sko og anna utstyr. Også ein del pengar vart samla inn. For desse vart det handla inn utstyr i Oslo før avreise 20. september, samt ein del utstyr etter at ho kom til Lesvos.
Les meir i papirutgåva fredag.