Heldt ikkje heilt inn mot Dale
GHK tapte oppgjeret mot Dale med åtte mål.
Det vart eit jamt oppgjer der heimelaget låg under med med fleire mål i starten på kampen, men henta seg inn til pause då Dale leia med berre eitt mål. Ein periode i andre omgang var også heimelaget i føringa, men aldri med meir enn eitt eller to mål.
Markerte ut
Dale sine to beste spelarar, Marit Bøyum og Jeanette Øksenberg, spelar også på Førde sitt lag i 2. divisjon. GHK satsa heile kampen på å markere dei ut, noko laget lukkast bra med, men samtidig vart det store rom for dei andre fotrappe Dale-spelarane å utfordre GHK i.
Ti minutt før full tid var stilling 22-24 og Dale takka for følgje, godt hjelpt av feilpasningar og personlege feil hos heimelaget. Då fekk dei rutinerte GHK-spelarane kvile. Dale drog i frå og vann fortent 26-34.
Mestscorande på heimelaget vart nok ein gong Heidi Sægrov, denne gongen med åtte mål.