Dyrka cannabis i Nordfjord

Ein mann i femtiåra frå Nordfjord er dømd til 60 dagar i fengsel for dyrking, hausting og forsøk på å framstille marihuana i heimen.

Det var hausten 2017 at det under ransaking av heimen til mannen vart oppdaga tolv stiklingar frå cannabisplantar og sju cannabisplantar. Nokre månader før, på sommaren, hausta han avlinga som då var klar, og framstilte 30 gram marihuana.

Mannen tilstod i retten. Han er òg tidlegare dømd for brot på narkotikalovgjevinga. Påtalemakta la ned påstand om 60 dagars fengselsstraff, og dette var retten samd i var rett straff. Alt dyrkingsutstyr vart kverrsett og inndrege av politiet.