Dvergsdal til topps i Fanaråken Opp

Jølstringen Eli Anne Dvergsdal, som representerer bergensklubben Gular IL, gjekk til topps i kvinneklassa i Fanaråken Opp i Luster laurdag.

Med tida 1.09,31 minutt, var ho berre minuttet bak gjeldande løyperekord i klassa. Dette trass i at ho har slite med influensa den siste veka.

47-år gamle Anita Håkenstad Evertsen blei nummer to av kvinnene med tida 1.10,48.

Johan Bugge, Eidsvåg IL, var suveren i herreklassa. Han vann på ny løyperekord: 56,46 minutt. Han hadde samstundes den største sigersmarginen i Fanaråken Opp nokon gong. Nestemann kom nemleg i mål over seks minutt seinare.