Dei skal pynte på eit vakkert smykke
– Dette er ein gåvepakke for oss, slo museumsdirektør Morten Johan Svendsen fast, etter at Sparebankstiftinga DNB måndag gjorde det kjent at dei finansierer eit forprosjekt med tanke på opprusting av Astruptunet.
Det er snakk om eit samarbeid mellom sparebankstiftinga, Musea i Sogn og Fjordane og Jølster kommune. Bakgrunnen for satsinga er det faktum at Nikolai Astrup neste år skal lanserast i utlandet.
Tre utstillingar
Det er Sparebankstiftinga DNB som har teke initiativ til den internasjonale satsinga, og avdelingsdirektør Anders Bjørnsen fortel at han har hatt planar om ei slik lansering sidan 2009. I 2005 kjøpte stiftinga den store Astrup samlinga som i dag er den største privateigde i landet. Bjørnsen er sjølv kunsthistorikar og ansvarleg for denne samlinga til liks med stiftinga sitt arbeid innan kunst og kultur.
Neste vinter blir det ei stor utstilling i London, før kunstverka blir flytta til Hennie Onstad Kunstsenter og til slutt endar opp på utstilling i Emden i Tyskland. Som kurator for utstillingane har sparebankstiftinga fått med seg ein internasjonal ekspert gjennom engelske Maryan Stevens.
Les heile saka i onsdagsavisa.
