Blir ny museumsdirektør

Kjartan Aa Berge frå Hyen er tilsett som ny administrerande direktør i Musea i Sogn og Fjordane.

Han tek over stillinga etter Inge Bent Arnestad.

Direktør for EY
Kjartan Aa Berge kjem frå stillinga som direktør for EY (Ernst & Young) i Førde, der han sidan 2012 har bygt opp ein organisasjon som arbeider med næringsutvikling i heile Sogn og Fjordane.

Aa Berge er utdanna siviløkonom og statsautorisert revisor frå Norges Handelshøyskole og er 46 år gamal. Han har tidlegare hatt leiande stillingar mellom anna i Sogn og Fjordane Energi og Fjord1. Aa Berge har hatt ein lang rekkje styreverv i det private næringsliv og kulturlivet, og sitt i dag som styremedlem i Gloppen musikkfest og Aa Berge Invest AS.